" GILANG PAKUAN "

Waktu gilang Padjadjaran
waktu gilang sang Niskala
baheula...
baheula saBALE GANDRUNG,saSUNDA,saSILIWANGI gemah ripah kerta mukti
Raden...
naha atuh kiwari geuningan
meni sagala ganti
duh...
bongana pahiri-hiri
parebut tipayun kantun
pagirang-girang tampian
calik girang gede ajang
naha arek henteu nyaho
somah nu lara balangsak
geuning...
Duh kayaning...kayaning...
NYA URANG PAPANTUNAN
KUMALENDANG JEUNG KALANGKANG BAHEULA
BAHEULA SA PADJADJARAN,SA PRABU,SA BALE GANDRUNG
MEGAT UGA SUNDA
URANG NU URANG,NINEUNG JEJEMPLANGAN NGAJEMPLUNG-JEMPLINGKEUN
RADEN...
ulah rek kabalerangan
sipelung ngalimpun rebun
hudang urang ngarancagan
ranca batan budak lumpat
narikna ku di dekungan
debatna bale rancage
hayu diditu ngepur nu ngejat...
RENGETKEUN:tuh sangkakala
sangkakala Padjadjaran tangara...
mangsa mapag jaman anyar
mangsa ki Sunda tandang
rempug jukung sauyunan
duh...
tembongkeun ajen wewesan
sinatria nu pinandita
raden...
teuas peureup lemes usap
pageuh keupeul lega awur
silih ASAH silih ASIH silih ASUH
bari adil paramarta sinatria pilih tanding
raden...

>TEDA PASUNDAN<

                                                                                                                                oleh : Permana Jati